НИТХ-ын даргын дэргэдэх автозамын түгжрэлийг бууруулах ажлын хэсгийн хүрээнд “Нэгдсэн төслийн удирдлагын газар” ОНӨТҮГ-ын Судалгаа шинжилгээ хөгжүүлэлтийн алба Улаанбаатар хотын гол гудамж, зам дагуух ачаалал ихтэй уулзваруудад дахин төлөвлөлтийн судалгаа, тээврийн эрэлтийн загварчлалыг боловсруулж байна.
Офицеруудын ордны тойрог уулзварыг 4 замын уулзвараар дахин төлөвлөснөөр хөдөлгөөний эрчим 6,658машин/цаг, тээврийн хэрэгслийн дундаж хурд 10-40км/цаг болон нэмэгдэж, тээврийн хэрэгслийн хүлээлтийн хугацаа 52.53 секунд болон багасах урьдчилсан тооцооллыг гаргаад байна. Түүнчлэн тээврийн хэрэгслийн уулзвар нэвтрэх хүртэлх дундаж зогсолтын тоо 1.96 удаа болж уулзварын хөдөлгөөний нэвтрүүлэх чадвар 10.2 хувиар сайжирах юм.